இந்த ஜென்மத்தின் எனது பிறவியில் என்னுடைய விவசாய பெருமக்களுக்கு ஏதேனும் என்னால் முடிந்தவற்றை வழங்கிச் செல்லவேண்டும் என்ற முனைப்புடன் விவசாயிகளின் வளர்ச்சியை உயிர் நாடியாகக் கொண்டு தனது வயதைப் பொருட்படுத்தாது நவீன இயற்கை மருந்துகள், இயற்கை உரங்கள் பற்றியே எண்ணமும் சொல்லும் செயலும் அமையப்பெற்று பலவித ஆராய்ச்சிகளை மேற்கொண்டுவருகிறார். தனது நிறுவனத்திலேயே ஆராய்ச்சி மய்யம் ஒன்றை நிறுவி ஆராய்ச்சிகளை செய்து வருகிறார். மேலும் ஆராய்ச்சி மையத்தில் உள்ள அறிவியல் ஆராய்ச்சியாளர்களுக்கு பல ஆலோசனைகளும் வழங்கி வருகின்றார்.

வாரி வழங்கிய கர்ணனுக்கும் மேலானவர்கள் எமது விவசாயப்பெருமக்கள் என்று எப்பொழுதும் கூறிக்கொண்டிருப்பார். தன்னிடம் எதுவும் இல்லையென்றாலும் இந்த உலக மக்களுக்காக வாரி கொடுத்துக் கொண்டிருப்பவன் விவசாயி.  அப்பேற்பட்ட விவசாய குடும்பத்தில் பிறந்து வளர்ந்து விவசாயியாகவே வாழ்ந்து, விவசாயிகளின் முன்னேற்றத்திற்காகவே தனது வாழ்க்கையை அர்ப்பணித்து  உழைத்துக் கொண்டு இருப்பவர் எங்கள் நிறுவனர்.

நாளை என்பதும் இல்லை என்பதும் ஒன்றே என எந்த ஒரு விஷயத்தையும் தள்ளிப்போடும் பழக்கம் இல்லாதவர்.   ஒரு சிறு துளி கூட ஒய்வு இல்லாமல் ஓய்வைபற்றியே சிந்தனை செய்யாமல் அயராது ஓடி கொண்டு இருக்கிறார். வேளாண்துறையில் இவரது ஆக்கபூர்வமான பங்களிப்பு மகத்தானது. இந்த நூற்றாண்டில் இப்பேற்பட்ட உயர்ந்த மனிதருடன் நாம் பயணம் செய்வது நாம் பெற்ற பாக்கியமே!

தன் இளம் வயது முதல் பிறருக்கு உதவுவதைத் தனது கொள்கையாககே கொண்ட இவருக்குத் தன்னுடைய தொழிலாளிகளும், விவசாயிகளுமே இவரது குழந்தைகள். விவசாயிகளின் வாழ்கைத் தரத்தை முன்னேற்றுவதையே தனது தலையாக் கடமை என்று நினைத்த இவர் தன்னுடைய வாழ்க்கையையே பொதுவாழ்கைக்காக அர்பணித்துள்ளார்.

மறைந்த திருமதி. சூசையம்மாள் பொன்னுசாமி தனது கணவர் திரு.பொன்னுசாமிக்கு அனைத்து அம்சங்களிலும் சிறந்த ஆதரவை வழங்கி அவருடன்  22/12/2018 வரை அவருடன்  பயணித்தார்.

ஆரோக்கியமான விவசாய சூழலை உருவாக்கி அதன் மூலம் விவசாயத்தின் தரத்தையும் மற்றும் விவசாயின் வாழ்வாதாரத்தை உயர்த்துவதன் மூலம் உயர்தரமான உணவு பொருட்களை உலகத்தில் உள்ள அனைத்து மக்களும் பெற்று பயனடைவதன் மூலம் தேசத்தின் வளர்ச்சிக்கு ” PONNUS NATURAL PRODUCTS ” துணையாக நிற்கும்.